البلاطات flat slab ( البلاطات اللاكمريه )
ــــــــــــــــــــــــــــــــــــــــــــــــــــــــــــــــــــ
يستخدم هذا النوع من البلاطات فى بحور تصل الى 10م
من اهم مزايا البلاطات المسطحة :-
1-اعطاء مرونه معمارية " بسبب اختفاء الكمرات .
2- تقليل اعمال النجارة والحدادة مقارنه بالبلاطات الكمرية .
3- تقليل زمن تركيب الشدة .
4- عدم وجود عوائق لآعمالالتكييف و الكهرباء و مواسير الصرف الصحي.
5- تقليل الارتفاع الكلى للمبنى نظرا لعدم الحاجه لزياده ارتفاع الدور نتيجه سقوط الكمرات
اما بالنسبه للعيوب :
استخدام كميات كبيره من التسليح نظرا لوجود شبكتين من الحديد ولذلك يعتبر غير اقتصادى فى المساحات الصغيره .
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
انواع البلاطات ال Flat :
------------------------
1-البلاطات المسطحة العادية ordinary flat slab
ويتسخدم فى حاله البحور الصغيره حتى 5 م واحمال حيه منخفضه اقل من 500kg/m2
2- البلاطات المسطحه ذات السقوط Flat slab with drop panel
3- البلاطات المسطحه ذات التيجان Flat slab with column head
الاحمال الحيه من 500 ل 1000 كجم/م2 تقريبا
4- مزيج من النوع التانى والثالث
تستخدم الانواع الثانى والثالث والرابع فى حاله الاحمال المرتفع والبحور الكبيره لمقاومه ال( punching ) او اختراق العمود للبلاطه . ومقاومه العزوم السالبه فوق العمود بالنسبه للبلاطات ذات السقوط
(الارقام المذكوره تقريبيه تتوقف على اسس التصميم والاجهادات على البلاطه )
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
آليه عمل البلاطه وملاحظات التنفيذ :
ـــــــــــــــــــــــــــــــــــــــــــــــــــــــ
فى العموم البلاطات ال Flat عباره عن بلاطات مسطحه بدون كمرات سمك البلاطه يبدا من 15 سم وفى اغلب الاحيان لا يقل عن 18سم
يحتوى هذا النظام على شبكتين حديد شبكه سفليه لمقاومه العزم السفلى وشبكه علويه لمقاومه العزم العلوى
يقسم هذا النظام البلاطه لشريحتين شريح وسط وشريحه عمود حيث يعتبر شريحه العمود هى الركيزه لشريحه الوسط والمقصود بشريحه العمود هى الشريحه الماره بالاعمده ويكون فيها العزم السالب كبير نسبيا
اما شريحه الوسط هي الشريحه الوسطيه بين الاعمده .
هنتكلم عن تفاصيل التسليح مباشره ومش هنرجع نتكلم عن الشده الخشبيه لانها نفس طريقه البلاطات السولد ولكن من غير كمرات
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-دلوقتى جاتلك اللوحه بتاع البلاطه هتعرف منين اتجاه التسليح الرئيسى والثانوى :
اتجاه الحديد الرئيسى بيكون مع العزم الاكبر فى البلاطات ال Flat العزم الاكبر بيكون فى الاتجاه الطويل لانه مبيحصلش توزيع للحمل بنسب مثل البلاطات السولد فبالتالى يكون الحديد الرئيسى هو الفرش لاعطاء اكبر عمق فعال
بعد كده بحط الغطا فى الاتجاه التانى ده فى الشبكه السفليه
اما الشبكه العلويه بعكس الفرش بيبقى غطا والغطا بيبقى فرش علشان العمق الفعال للعزم السالب
ــــــــــــــــــــــــــــــــ
اكيد طبعا قبل ما احط الحديد بعمل حاجه اسمها التجنيط وهى تحديد اماكن الاسياخ والمسافه بينها بالطباشير علشان بعد كده اقسط عليها الحديد بشكل مظبوط
ـــــــــــــــــــــــــــــــــــــــــــــــــ
- بعد ما بفرش واغطى الشبكه السفليه ببدا احط الكراسى علشان ارفع عليها الشبكه العلويه المسافه بين الكراسى من 0.8 ال 1.00 م وبحط على الكراسى اسياخ تسمى الاوتار فى الاتجاه العمودى على فرش الشبكه العلويه وموازى للغطا الهدف منها انى بحمل عليها الفرش بتاع الشبكه العلويه وبيكون من نفس قطر التسليح وبعض المهندسين بيعتبروا الاوتار جزء من الغطا يعنى بيتحسب معاهم فى حديد الغطا . grin رمز تعبيري
- قطر الحديد المستخدم فى الكراسى لا يقل عن 10مم او 12 مم او ممكن استخدمه من فضل الحديد من نفس قطر الشبكه ولكن الحداد مش بيفضل ده لو قطر الحديد 16مم او كتر لانه يصعب تشكيله الى حد ما .
الكراسى ترتكز على الشبكه السفليه وليس على الشده الخشبيه ( خلى بالك )
تحديد ارتفاع الكرسى وده مهم جدا علشان ميطلعش ارتفاع الكرسى كبير ويضيع الغطاء الخرسانى او صغير ويقلل العمق الفعال unsure رمز تعبيري
ارتفاع الكرسي=سمك البلاطه - الغطاء السفلي - الغطاء العلوي- قطر الحديد
السفلي فرش – قطر الحديد السفلي غطاء –قطر الحديد العلوي فرش – قطر
الحديد العلوي غطاء – قطر سيخ الوتر wink رمز تعبيري
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
- التسليح : من الممكن فى البلاطات الفلات استخدام السيخ بطوله لان الاحمل مش بتكون كبيره ولكن يفضل ان السيخ الواحد لا يتعرض لاجهادات متغيره كتير اى من الممكن ان يتحمل السيخ شد ثم ضغط ثم شد لايفضل ان يمر بعد ذلك فى منطقه ضغط مره اخرى .
- يراعى اماكن توقف الاسياخ والوصلات يجب ان تكون بعيده عن منطقه اقصى عزم بالنسبه للشبكه السفليه يتم وصل التسليح عند الاعمده لان العزم فى هذه المنطقه سالب والعكس بالنسبه للشبكه العلويه الوصلات فى وسط البحر لان العزم بيكون موجب يجب التاكد من طول الرباط 60 مره القطر او متر ايهما اكبر و يجب عدم تركيز الوصلات فى منطقه واحده .
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
-امابالنسبه للحديد الاضافى سواء علوى او سفلى وفى اغلب الاحيان بيكون اضافى علوى عند الاعمده لتغطيه العزم السالب فوق العمود
بيكون معطى فى اللوحه طول سيخ الحديد الاضافه ومكانه ومسافه امتداده يتم وضع الحديد الاضافى فى نفس شبكه التسليح بمعنى ان كان اضافى سفلى يوضع مع الشبكه السفليه والعكس لان هناك خطاء شائع بوضع الحديد الاضافى فى طبقه بمفرده وينتج عن ذلك ان الشبحه السفليه بدل ما تكون طبقتين بيبقا 4 طبقات وده بيقلل العمق الفعال للحديد .
- نهايه سيخ الشبكه العلويه لابد ان يكون على شكل حرف L لمنع الشروخ فى جنب البلاطه وعلشان الحديد مينفعش يقف فى منطقه عزم
لا تستخدم شوك فى البلاطات ال Flat بشرط ان تكون نهايه السيخ على شكل حرف L